چاغی (پاک ٹوڈے): ضلع چاغی کے علاقے چارسر میں کوئٹہ-تفتان شاہراہ پر مالبردار موٹر سائیکلوں اور گاڑیوں کے قافلے کی حفاظت پر مامور سیکورٹی فورسز اور عسکریت پسندوں کے درمیان شدید جھڑپ کی اطلاع ہے، جس کے دوران متعدد مالبردار گاڑیوں کو آگ لگا دی گئی۔
مقامی ذرائع کے مطابق نا معلوم مسلح افراد نے تجارتی سامان لے جانے والے قافلے کو نشانہ بنایا، جس پر سیکورٹی فورسز اور حملہ آوروں کے درمیان فائرنگ کا تبادلہ شروع ہو گیا۔ حملے کے نتیجے میں کئی گاڑیوں کو نذرِ آتش کر دیا گیا ہے۔
واقعے کے بعد علاقے میں شدید کشیدگی پھیلی ہوئی ہے۔ حملے میں ہونے والے جانی و مالی نقصان اور تباہ کاریوں کی حتمی تفصیلات کا انتظار کیا جا رہا ہے۔