جانی خیل میں فوج کی جانب سے فائر کئے گئے مارٹر گولے رہائشی مکانات پر گرنے سے متعدد افراد زخمی

بنو (پاک ٹوڈے): خیبر پختونخوا کے ضلع بنو کی تحصیل جانی خیل کے علاقے پویا میں رہائشی مکانات پر مارٹر گولے گرنے کے نتیجے میں متعدد عام شہری شدید زخمی ہو گئے ہیں۔

مقامی ذرائع کے مطابق فوج کی جانب سے فائر کئے گئے کئی مارٹر گولے براہِ راست ابادی والے علاقے میں مکانات پر آ گرے، جس کے باعث مکانات کو شدید نقصان پہنچا اور وہاں موجود شہری زخمی ہو گئے۔ واقعے کے فوراً بعد مقامی افراد نے امدادی کارروائیاں شروع کر کے زخمیوں کو علاج کے لیے نزدیکی ہسپتال منتقل کر دیا ہے۔

علاقے میں خوف و ہراس پھیل گیا ہے جبکہ واقعے کی مزید تفصیلات اور نقصانات کا جائزہ لیا جا رہا ہے۔