60
لاہور (پاک ٹوڈے): امیر جماعت اسلامی حافظ نعیم الرحمان نے کہا ہے کہ جماعت اسلامی نے میدان نہیں چھوڑا اور نہ ہی ایک لمحے کے لیے غافل ہوئی ہے۔
لاہور میں جلسے سے خطاب کرتے ہوئے حافظ نعیم الرحمان نے کہا کہ فیول ریلیف پیکیج سے بھی 20 فیصد عوام کا مسئلہ حل نہیں ہو رہا، جبکہ پیٹرولیم لیوی کے نام پر مڈل کلاس کو لوٹا جا رہا ہے۔
انہوں نے خبردار کیا کہ اگر پیٹرولیم لیوی ختم نہ کی گئی تو جماعت اسلامی اسلام آباد کا رخ کرے گی اور حکومت کو اپنے فیصلے پر نظرثانی کرنے پر مجبور کرے گی۔
حافظ نعیم الرحمان نے کہا کہ جماعت اسلامی اپنا حق لے کر رہے گی۔ ان کے مطابق سرمایہ دار اور جاگیردار مسلسل عوام کو لوٹ رہے ہیں جبکہ سیاسی جماعتیں ان مافیاز کے ساتھ کھڑی ہیں، تاہم جماعت اسلامی عوام کی سیاست جاری رکھے گی۔
