کوئٹہ میں افغان کمانڈر حاجی ورورکی اچکزئی فائرنگ کے واقعے میں ہلاک

کوئٹہ (پاک ٹوڈے): افغانستان کے صوبہ قندھار کے سابق مقامی افغان کمانڈر حاجی ورور اچکزئی کوئٹہ شہر میں نامعلوم افراد کی فائرنگ کے نتیجے میں ہلاک ہو گئے ہیں۔

مقامی ذرائع و رپورٹس کے مطابق، حاجی ورور اچکزئی افغانستان میں طالبان کے اقتدار میں آنے کے بعد قندھار سے نقل مکانی کر کے پاکستان کے شہر کوئٹہ میں رہائش پذیر تھے۔ گذشتہ روز نا معلوم مسلح افراد نے ان پر فائرنگ کی، جس کے نتیجے میں وہ موقع پر ہی جان کی بازی ہار گئے۔

واقعے کے فوراً بعد پولیس نے لاش کو ضروری قانونی کارروائی کے لیے ہسپتال منتقل کر کے تفتیش کا آغاز کر دیا ہے۔ تاحال کسی عسکریت پسند گروپ نے اس فائرنگ اور قتل کی ذمہ داری قبول نہیں کی ہے۔