پشین: بوستان پولیس تھانے پر نامعلوم مسلح افراد کا حملہ، گاڑیوں کو آگ لگا دی گئی

کوئٹہ (پاک ٹوڈے): بلوچستان کے ضلع پشین کی تحصیل بوستان میں نامعلوم مسلح افراد نے پولیس تھانے پر حملہ کردیا، تاہم پولیس کی فوری جوابی کارروائی کے باعث کوئی جانی نقصان نہیں ہوا۔

پولیس حکام کے مطابق مسلح افراد نے اچانک بوستان پولیس تھانے کو نشانہ بنایا، جس پر ڈیوٹی پر موجود اہلکاروں نے جوابی فائرنگ کی۔ فائرنگ کے بعد حملہ آور فرار ہوگئے۔

پولیس کے مطابق فرار ہوتے ہوئے مسلح افراد نے تھانے کے احاطے میں کھڑی سرکاری اور نجی گاڑیوں کو آگ لگا دی، جس سے متعدد گاڑیوں کو نقصان پہنچا۔

پولیس حکام کا کہنا ہے کہ حملے میں تمام اہلکار محفوظ رہے۔ واقعے کے بعد اضافی نفری طلب کرکے علاقے کی ناکہ بندی کردی گئی ہے جبکہ فرار حملہ آوروں کی گرفتاری کے لیے سرچ آپریشن جاری ہے۔

Related posts

ایران کا امریکی اور اسرائیلی حملوں کے خلاف عالمی سطح پر کارروائی کا مطالبہ، اسرائیلی جوہری تنصیبات کی نگرانی پر زور

امریکی رکن کانگریس نے افغان اتحادیوں کے لیے خصوصی امیگریشن تحفظ میں توسیع کی قرارداد پر دستخط کر دیے

باب المندب سے یمنی حکومتی فورسز کے انخلا کے بعد سعودی عرب نے اتحادی فوج کے کمانڈر کو عہدے سے ہٹا دیا