5
لاہور (پاک ٹوڈے): لاہور میں یکی گیٹ کے علاقے میں ایک موریا پل کے قریب تیز رفتار سرکاری ڈمپر کی موٹر سائیکل کو ٹکر سے ایک شخص جاں بحق جبکہ دوسرا زخمی ہوگیا۔
ایدھی ترجمان کے مطابق حادثے میں جاں بحق ہونے والے شخص کی شناخت 55 سالہ بلال کے نام سے ہوئی ہے، جو شیخوپورہ کا رہائشی تھا۔ بلال نے حادثے کے نتیجے میں موقع پر ہی دم توڑ دیا، جبکہ زخمی شخص کو فوری طبی امداد کے لیے اسپتال منتقل کر دیا گیا۔
حادثے کی اطلاع ملتے ہی پولیس اور تحقیقاتی اداروں کے اہلکار موقع پر پہنچ گئے اور شواہد اکٹھے کرکے قانونی کارروائی شروع کردی۔
ایدھی رضاکاروں نے جاں بحق شخص کی لاش ایمبولینس کے ذریعے مردہ خانے منتقل کردی۔
