نیویارک (پاک ٹوڈے): اقوام متحدہ کے سیکریٹری جنرل انتونیو گوتریس نے 2 نومبر کو صحافیوں کے خلاف جرائم پر استثنیٰ ختم کرنے کے عالمی دن کے موقع پر کہا ہے کہ دنیا بھر میں صحافی سچ سامنے لانے کے لیے بھاری قیمت ادا کر رہے ہیں۔
انتونیو گوتریس نے اپنے پیغام میں کہا کہ جب صحافیوں کو نشانہ بنایا جاتا ہے اور انہیں رپورٹنگ سے روکا جاتا ہے تو اس کا نقصان پوری دنیا کو اٹھانا پڑتا ہے۔
انہوں نے عالمی سطح پر صحافیوں کے لیے انصاف کا مطالبہ کرتے ہوئے کہا کہ ان کے خلاف جرائم میں ملوث عناصر کو قانون کے کٹہرے میں لایا جانا چاہیے۔