میر علی (پاک ٹوڈے) شمالی وزیرستان کے علاقے میر علی کے زرکی میں سیکیورٹی فورسز اور عسکریت پسندوں کے درمیان شدید جھڑپوں کی اطلاعات سامنے آئی ہیں۔
مقامی ذرائع کے مطابق علاقے میں صبح تقریباً 5 بجے سے فائرنگ کا سلسلہ جاری ہے، جبکہ جھڑپوں کے دوران شدید فائرنگ کی آوازیں بھی سنی گئی ہیں۔
ذرائع نے دعویٰ کیا ہے کہ قریبی سیکیورٹی چیک پوسٹوں سے زرکی گاؤں کی جانب مارٹر گولہ باری بھی کی جا رہی ہے۔
تاہم اب تک سیکیورٹی فورسز کی جانب سے واقعے، جھڑپوں کی نوعیت، جانی نقصان یا مارٹر گولہ باری سے متعلق کوئی باضابطہ بیان سامنے نہیں آیا۔
واقعے سے متعلق مزید تفصیلات کا انتظار ہے۔