روہنگیا مسلمانوں کی نسل کشی کے معاملے پر برطانیہ کا میانمار کے دفاعی اتاشی کو ملک بدر کرنے کا اعلان

لندن (پاک ٹوڈے): برطانیہ نے میانمار کے دفاعی اتاشی کو ملک بدر کرنے کا اعلان کیا ہے۔ یہ فیصلہ بین الاقوامی عدالتِ انصاف (آئی سی جے) کی جانب سے روہنگیا مسلمانوں کے خلاف 2017 میں ہونے والی کارروائیوں سے متعلق فیصلے کے بعد سامنے آیا ہے۔

برطانوی وزیر خارجہ ایڈ ملی بینڈ نے کہا کہ میانمار کے ناظم الامور کو بھی طلب کیا جا رہا ہے اور ذمہ داروں کو جوابدہ ٹھہرانے کے لیے آنے والے دنوں میں مزید اقدامات کا اعلان کیا جائے گا۔

برطانیہ نے اس فیصلے کے بعد اقوام متحدہ کی سلامتی کونسل کا ہنگامی اجلاس بلانے کا مطالبہ بھی کیا ہے۔ برطانوی حکومت نے کہا ہے کہ میانمار کو عدالت کے فیصلے پر مکمل عمل درآمد کرنا ہوگا اور عالمی برادری کو روہنگیا مسلمانوں کے لیے انصاف اور جواب دہی یقینی بنانے میں کردار ادا کرنا چاہیے۔

بین الاقوامی عدالتِ انصاف نے اپنے فیصلے میں قرار دیا کہ میانمار نے 2017 میں روہنگیا مسلمانوں کے خلاف نسل کشی کی۔ یہ عالمی عدالت کی جانب سے کسی ریاست کو نسل کشی کا ذمہ دار قرار دینے کا پہلا فیصلہ ہے۔

Related posts

معروف گلوکارہ شازیہ منظور کے گھر پر مسلح افراد کا حملہ، قبضے کی کوشش کا الزام

صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا

انٹربینک میں ڈالر سستا، اوپن مارکیٹ میں مہنگا ہوگیا