پشاور (پاک ٹوڈے): محکمہ صحت خیبر پختونخوا نے مختلف الزامات کے تحت 30 ڈاکٹروں کو ملازمت سے فارغ کرنے کا باضابطہ اعلامیہ جاری کر دیا ہے۔
اعلامیے کے مطابق ڈاکٹروں کے خلاف جعلی پی ایم ڈی سی رجسٹریشن، غیر قانونی تقرریوں اور دیگر الزامات پر کارروائی کی گئی ہے۔
محکمہ صحت کے مطابق یہ فیصلہ الزامات، شواہد، انکوائری رپورٹس اور متعلقہ ڈاکٹروں کی ذاتی سماعت کا جائزہ لینے کے بعد کیا گیا۔ کارروائی سے قبل تمام متعلقہ ڈاکٹروں کو شوکاز نوٹس جاری کیے گئے تھے اور انہیں اپنا مؤقف پیش کرنے کا موقع بھی دیا گیا تھا۔