پشاور (پاک ٹوڈے): عوامی نیشنل پارٹی کے صدر میاں افتخار حسین نے خیبرپختونخوا میں ایمرجنسی اور گورنر راج کے نفاذ پر تشویش کا اظہار کرتے ہوئے کہا ہے کہ ایسے اقدامات جمہوری نظام کے لیے باعثِ تشویش ہیں۔
اپنے بیان میں میاں افتخار حسین نے کہا کہ صوبے کے مسائل کا حل جمہوری نظام کو معطل کرنے یا غیر معمولی انتظامی اقدامات کرنے میں نہیں، بلکہ آئین کی بالادستی، پارلیمانی جمہوریت، صوبائی خودمختاری اور عوامی مینڈیٹ کے احترام میں ہے۔
انہوں نے کہا کہ عوامی نیشنل پارٹی پہلے ہی واضح کر چکی ہے کہ ایمرجنسی یا گورنر راج کے نفاذ سے مسائل حل ہونے کے بجائے مزید پیچیدہ ہو سکتے ہیں۔