حکومت اور پی ٹی آئی میں بیک ڈور رابطے جاری، رانا ثناء اللہ کی عامر ڈوگر سے ٹیلی فون گفتگو

اسلام آباد (پاک ٹوڈے): وزیراعظم شہباز شریف کے مشیر برائے سیاسی امور رانا ثناء اللہ نے پاکستان تحریک انصاف کے رہنما ملک عامر ڈوگر سے ٹیلی فون پر رابطہ کیا ہے، جبکہ حکومت اور اپوزیشن کے درمیان بیک ڈور رابطے جاری ہیں۔

رپورٹس کے مطابق رانا ثناء اللہ نے کہا ہے کہ حکومت اور پی ٹی آئی کے درمیان آف دی ریکارڈ بات چیت جاری ہے اور سیاسی اختلافات کو سیاسی طریقے سے حل کیا جانا چاہیے۔

انہوں نے کہا کہ حکومت نے پی ٹی آئی کے 4 اکتوبر کے احتجاجی مارچ کو اسلام آباد میں داخل ہونے سے روکنے کے لیے انتظامات مکمل کرلیے ہیں۔

حکومت اور پی ٹی آئی کے درمیان رابطوں میں یہ پیش رفت ایسے وقت سامنے آئی ہے جب 4 اکتوبر کے احتجاجی مارچ کے معاملے پر دونوں جانب سیاسی کشیدگی برقرار ہے۔