ریاض (پاک ٹوڈے): امریکی حکام کے مطابق یمن میں حوثی ملیشیا کے خلاف جاری کشیدگی کے دوران سعودی عرب نے امریکا سے براہ راست فوجی مدد طلب کی، تاہم واشنگٹن نے سعودی درخواست قبول نہیں کی۔
رپورٹ کے مطابق سعودی دفاعی قیادت نے امریکی ہم منصب سے براہ راست فوجی معاونت کی درخواست کی، جبکہ سعودی ولی عہد محمد بن سلمان نے امریکی وزیر دفاع پیٹ ہیگسیتھ سے دوبارہ ٹیلی فونک رابطہ کرکے حوثیوں کے خلاف کارروائی میں امریکی حمایت طلب کی۔
سعودی قیادت نے امریکا سے حوثی ٹھکانوں کے خلاف دوبارہ براہ راست فضائی حملے کرنے کی درخواست بھی کی، تاہم امریکی انتظامیہ نے واضح کیا کہ واشنگٹن فی الحال یمن میں جاری جنگ میں براہ راست عسکری کارروائی کا حصہ نہیں بنے گا۔
امریکی حکام کے مطابق سعودی درخواست کے باوجود امریکا نے حوثیوں کے خلاف براہ راست فوجی کارروائی سے گریز کا فیصلہ کیا ہے۔