بنوں (پاک ٹوڈے): بنوں کے علاقے پیپل مارکیٹ میں مسلح افراد نے ٹارگٹڈ حملہ کیا، جس کے نتیجے میں ایلیٹ فورس کا اہلکار پیر احمد اللہ مارا گیا۔
مقامی ذرائع کے مطابق مسلح افراد نے پیپل مارکیٹ میں ایلیٹ فورس کے اہلکار کو نشانہ بنایا، اور موقع واردات سے فرار ہوگئے۔
مارے گئے اہلکار کا تعلق بنوں کے علاقے ماما خیل سے بتایا جاتا ہے۔
دوسری جانب شدت پسند تنظیم اتحاد المجاہدین نے حملے کی ذمہ داری قبول کرنے کا دعویٰ کیا ہے۔
واقعے کے بعد سیکیورٹی اہلکاروں نے علاقے کو گھیرے میں لے کر ملزمان کی تلاش شروع کردی، مگر تاحال کسی کو گرفتار نہیں کیا جا سکا۔