پشاور (پاک ٹوڈے): کرم اور وزیرستان کے سرحدی علاقوں میں پاک افغان فورسز کے درمیان ایک بار پھر فائرنگ کا تبادلہ ہوا ہے۔
افغان میڈیا رپورٹس کے مطابق گزشتہ روز کرم اور وزیرستان کے سرحدی سیکٹرز میں پاک افغان فورسز کے درمیان فائرنگ کا ایک اور تبادلہ ہوا۔ رپورٹس میں مزید دعویٰ کیا گیا ہے کہ طورخم بارڈر گیٹ پر بھی دونوں فریقین کے درمیان کشیدگی اور تشدد کے واقعات پیش آئے ہیں۔
تاہم ان واقعات کی نوعیت، فائرنگ کے تبادلے کی وجوہات اور ممکنہ جانی نقصان سے متعلق مزید تفصیلات تاحال جاری نہیں کی گئیں۔