بحری قزاقوں کے حملے میں جاں بحق پاکستانیوں کی میتیں اور زخمی آج وطن واپس پہنچیں گے

کراچی (پاک ٹوڈے): صومالیہ میں بحری قزاقوں کے حملے میں جاں بحق ہونے والے 3 پاکستانیوں کی میتیں اور زخمی عملے کے 4 ارکان آج شام پاکستان واپس پہنچیں گے۔

وزارت خارجہ کو موصول ہونے والے مراسلے کے مطابق حملے میں جاں بحق ہونے والے بحری جہاز کے سیکنڈ افسر کاشف عمر، تھرڈ انجینئر محمود انصاری اور بوائلر آپریٹر کی میتیں آج شام 4 بجے کراچی پہنچائی جائیں گی۔

مراسلے میں کراچی ایئرپورٹ پر میتوں اور زخمیوں کی حوالگی کے لیے ضروری انتظامات اور ایمبولینسز کی دستیابی یقینی بنانے کی ہدایت کی گئی ہے۔ زخمی عملے کے 4 ارکان یاسر خان، عقیل خان، عثمان غنی اور شمس امین کو بھی ایتھوپین ایئرلائن کی پرواز 694 کے ذریعے وطن واپس لایا جائے گا۔

گورنر سندھ نہال ہاشمی حکومت پاکستان کی نمائندگی کرتے ہوئے کراچی ایئرپورٹ پر جہاز کے عملے کا استقبال کریں گے۔ پاکستان ایئرپورٹ اتھارٹی، وزارت خارجہ اور اوورسیز پاکستانی فاؤنڈیشن کے حکام کو بھی ضروری انتظامات مکمل رکھنے کی ہدایت کی گئی ہے۔

Related posts

لاہور: مالی لین دین کے تنازع پر بھائی کے ہاتھوں بھائی قتل، ایک زخمی

پاکستان ہائی کمیشن لندن نے نادرا، پاسپورٹ اور ویزا سروسز معطل کردیں

اسلام آباد میں گدھوں اور کتوں کا 800 کلو گوشت برآمد، 12 زندہ گدھے اور 5 کتے بھی پکڑے گئے