باجوڑ میں یوسف آباد کے قریب چلتی کار پر نامعلوم مسلح افراد کی فائرنگ، دو افراد شدید زخمی

باجوڑ (پاک ٹوڈے): تحصیل خار کے علاقے یوسف آباد کے قریب نامعلوم مسلح افراد نے چلتی کار پر اندھا دھند فائرنگ کردی، جس کے نتیجے میں کار میں سوار دو افراد شدید زخمی ہوگئے۔

پولیس کے مطابق زخمیوں کی شناخت غلام محمد ولد امین جان سکنہ شونٹالئ پشت سالارزئی اور صاحب ولد خان زادہ سکنہ اڑخے پشت سالارزئی کے ناموں سے ہوئی ہے۔ واقعے کے فوراً بعد زخمیوں کو طبی امداد کے لیے ڈسٹرکٹ ہیڈکوارٹر ہسپتال خار منتقل کردیا گیا، جہاں ان کا علاج جاری ہے۔

ڈی ایس پی عبدالعزیز نے بتایا کہ نامعلوم مسلح افراد نے چلتی کار کو نشانہ بنایا اور فائرنگ کے بعد موقع سے فرار ہوگئے۔ انہوں نے کہا کہ واقعے کے بعد پولیس نے علاقے میں تحقیقات شروع کردی ہیں جبکہ فائرنگ میں ملوث ملزمان کی گرفتاری کے لیے تلاش جاری ہے۔

Related posts

جے یو آئی سندھ کا کراچی میں احتجاج، مولانا فضل الرحمٰن کے خلاف مہم بند کرنے کا مطالبہ

اسلام آباد پاسپورٹ آفس سے 138 پاسپورٹ بکلیٹس چوری ہونے کا انکشاف، 131 برآمد

ایشیا کپ میں پاکستان اے نے بھارت اے کو 314 رنز کا ہدف دے دیا، پوری ٹیم 313 رنز پر آؤٹ