اسلام آباد (پاک ٹوڈے): افغان وزارت خارجہ کے ترجمان کے مطابق کابل میں پاکستانی سفارتخانے کے ناظم الامور کو طلب کرکے نورستان کے علاقے استقلال میں ڈیورنڈ لائن کے پار سے مسلح عناصر کی مبینہ دراندازی پر احتجاج کیا گیا۔
افغان وزارت خارجہ کے مطابق پاکستانی ناظم الامور کو احتجاجی مراسلہ دیا گیا، جس میں ڈیورنڈ لائن کے پار سے مسلح عناصر کے نورستان کے ضلع کامدیش کے علاقے استقلال میں داخل ہونے پر احتجاج کیا گیا۔
بیان میں کہا گیا ہے کہ یہ واقعہ 13 ربیع الثانی 1448 ہجری کو پیش آیا، جبکہ واقعے سے متعلق مزید تفصیلات احتجاجی مراسلے میں شامل کی گئی ہیں۔