54
اسلام آباد (پاک ٹوڈے): وفاقی حکومت نے پاکستان کی تینوں مسلح افواج کے 9 کامیاب افسران کی سول سروسز آف پاکستان میں باقاعدہ شمولیت کی منظوری دے دی ہے۔
فیڈرل پبلک سروس کمیشن (FPSC) کی جانب سے جاری کردہ رسمی تحریری اعلامیے کے مطابق، مسلح افواج سے تعلق رکھنے والے ان افسران نے نفسیاتی اندازِ قدر اور زبانی امتحان میں کامیابی حاصل کی، جس کے بعد انہیں مسابقتی امتحان (CSS) 2025 کے کوٹے کے تحت سول سروس میں انڈکٹ کر لیا گیا ہے۔
منظور شدہ تفصیلات کے مطابق 5 افسران کو پاکستان ایڈمنسٹریٹو سروس (PAS)، 2 افسران کو پولیس سروس آف پاکستان (PSP)، اور 2 افسران کو فارن سروس آف پاکستان (FSP) میں شامل کیا گیا ہے۔ یہ تعیناتیاں مسلح افواج کے لیے سول سروسز میں مختص مخصوص کوٹے کے تحت کی گئی ہیں۔
