26
پشاور (پاک ٹوڈے): خیبر پختونخوا کے ضلع شمالی وزیرستان کے علاقے عیدک میں انٹیلی جنس بنیادوں پر کیے گئے آپریشن کے دوران 7 شدت پسند ہلاک کرنے کا دعویٰ کیا گیا ہے۔
سرکاری میڈیا کے مطابق سیکیورٹی ذرائع نے بتایا کہ سیکیورٹی فورسز نے کارروائی کے دوران شدت پسندوں کا تعاقب کیا اور ان کے مبینہ ٹھکانے بھی تباہ کردیے۔
ذرائع کے مطابق ہلاک افراد کا تعلق کالعدم تحریک طالبان پاکستان سے بتایا گیا ہے، تاہم ان دعوؤں کی آزاد ذرائع سے تصدیق نہیں ہوسکی۔
صدر آصف علی زرداری نے کارروائی پر سیکیورٹی فورسز کو سراہتے ہوئے کہا کہ عزم استحکام کے تحت ملک سے شدت پسندی کے مکمل خاتمے اور پائیدار امن کے قیام کے لیے فورسز کی کوششیں قابل تعریف ہیں۔
