13
اسلام آباد (پاک ٹوڈے): آبنائے ہرمز کے راستے توانائی کی فراہمی میں جاری رکاوٹ کے پیش نظر حکومت نے اکتوبر کے دوران قطر سے ایل این جی کے 3 کارگو حاصل کرنے کا فیصلہ کیا ہے۔
حکومت ایل این جی کے جہازوں کی محفوظ گزرگاہ یقینی بنانے کے لیے ایرانی حکام سے رابطہ کرنے کی تیاری بھی کر رہی ہے۔
یہ فیصلہ ایسے وقت میں کیا گیا ہے جب قطر انرجی نے پاکستان کو ایل این جی کی فراہمی پر فورس میجور کی مدت 4 نومبر تک بڑھا دی ہے۔
حکام کو خدشہ ہے کہ ایل این جی کی فراہمی میں موجود تعطل موسم سرما کے دوران بھی برقرار رہ سکتا ہے، جس کے باعث توانائی کی ضروریات پوری کرنے کے لیے متبادل انتظامات پر توجہ دی جا رہی ہے۔
