کراچی (پاک ٹوڈے): قومی کرکٹ ٹیم کے سابق کپتان یونس خان نے محمد رضوان کے این سی سی آئی اے سے متعلق معاملے پر گفتگو کرتے ہوئے کہا ہے کہ وہ بطور کرکٹر محمد رضوان کے ساتھ کھڑے ہیں، تاہم اس معاملے میں احتیاط سے بات کرنے کی ضرورت ہے۔
یونس خان نے کہا کہ این سی سی آئی اے ایک معتبر ادارہ ہے اور محمد رضوان کو چاہیے کہ وہ قانونی عمل کی پیروی کریں۔ انہوں نے کہا کہ کرکٹرز پاکستان کرکٹ بورڈ سے بڑے نہیں ہوسکتے۔
یونس خان کا کہنا تھا کہ ہم کسی کے وکیل نہیں اور نہ ہی ہمیں اس کیس سے متعلق مکمل معلومات ہیں۔ محمد رضوان کے ساتھ پیش آنے والا معاملہ ایک آفیشل ٹور کے دوران ہوا، اس لیے جب تک کیس کا نتیجہ سامنے نہیں آتا، اس بارے میں گفتگو کرتے ہوئے احتیاط برتنی چاہیے۔
سابق کپتان نے مزید بتایا کہ ماضی میں انہیں بھی ایسی ہی صورتحال کا سامنا کرنا پڑا تھا اور ان کے معاملات تقریباً چار ماہ تک چلتے رہے تھے۔
