مستونگ (پاک ٹوڈے): بلوچستان کے ضلع مستونگ کے علاقے کھڈکوچہ (گیت) میں ایک دلدوز واقعے کے دوران باغ میں کام کرنے والے مزدوروں پر ڈرون حملے کے نتیجے میں 4 مزدور جاں بحق جبکہ 3 شدید زخمی ہو گئے ہیں۔
سیکیورٹی اور ریسکیو ذرائع کے مطابق یہ حملہ اس وقت ہوا جب مزدور ایک باغ میں اپنے روزمرہ کے کام میں مصروف تھے جنہیں دہشتگرد سمجھ کر نشانہ بنایا گیا۔ حملے کے نتیجے میں جاں بحق ہونے والے افراد موقع پر ہی دم توڑ گئے، جبکہ زخمیوں میں علی رضا مینگل، نصیب اللہ ابڑو اور خالد حسین شامل ہیں۔ ریسکیو ٹیموں نے موقع پر پہنچ کر لاشوں اور زخمیوں کو فوراً قریب ترین ہسپتال منتقل کر دیا ہے۔