لندن (پاک ٹوڈے): نائب وزیراعظم و وزیرِ خارجہ اسحاق ڈار 5 روزہ رسمی دورے پر برطانیہ پہنچ گئے ہیں، جہاں وہ 24 سے 28 اگست تک قیام کریں گے۔
دورے کے دوران نائب وزیراعظم برطانوی حکومت کے اعلا حکام اور عالمی اداروں کے سربراہان سے اہم ملاقاتیں کریں گے۔ وزارتِ خارجہ کے مطابق اسحاق ڈار کی برطانوی وزیرِ خارجہ ایڈ ملی بینڈ سے ملاقات متوقع ہے۔
اس کے علاوہ اسحاق ڈار انٹرنیشنل میری ٹائم آرگنائزیشن کے سیکرٹری جنرل سے بھی ملاقات کریں گے، جس میں صومالی قزاقوں کے ہاتھوں یرغمال پاکستانی عملے کی بازیابی کا معاملہ اور علاقائی بحری سلامتی کے امور زیرِ بحث آئیں گے۔ نائب وزیراعظم کی دولتِ مشترکہ کی سیکرٹری جنرل شرلی آیورکور بوچوے سے بھی ملاقات کا شیڈول طے ہے۔