مولانا فضل الرحمان سے دل آزاری والی باتوں سے گریز کی توقع ہے، رانا ثناء اللہ

اسلام آباد (پاک ٹوڈے): وزیراعظم کے مشیر برائے سیاسی امور رانا ثناء اللہ نے کہا ہے کہ وہ مولانا فضل الرحمان اور ان کی جماعت جمعیت علمائے اسلام (ف) سے توقع رکھتے ہیں کہ وہ ایسی باتیں نہیں کریں گے جن سے ان کی دل آزاری ہو۔

رانا ثناء اللہ کا کہنا تھا کہ اختلافِ رائے دونوں فریقوں کا حق ہے، تاہم سیاسی اختلافات کے باوجود ایک دوسرے کی رائے کا احترام کرنا ضروری ہے۔

انہوں نے مولانا فضل الرحمان اور جے یو آئی سے باہمی احترام کو ملحوظ خاطر رکھنے اور ایسی گفتگو سے گریز کی توقع ظاہر کی جس سے کسی فریق کی دل آزاری ہو۔