لکی مروت (پاک ٹوڈے): ضلع لکی مروت کے علاقے عبدالخیل میں مقامی رپورٹس کے مطابق لکی پولیس اور لکی پولیس امن کمیٹی نے مشترکہ کارروائی کرتے ہوئے دو مبینہ جنگجوؤں کے گھروں کو نذرِ آتش کر دیا ہے۔
پاک ٹوڈے کے نمائندے کے مطابق یہ کارروائی عبدالخیل کے مقام پر کی گئی، جہاں پولیس اور امن کمیٹی کے اہلکاروں نے جنید اور منظور نامی افراد کے مکانات کو آگ لگا دی۔ مذکورہ دونوں افراد پر مبینہ طور پر شدت پسندانہ سرگرمیوں اور شدت پسند تنظیموں سے تعلق کا الزام تھا۔
واقعے کے بعد علاقے میں شدید سیکیورٹی خدشات اور تناؤ کی لہر دوڑ گئی ہے۔ مقامی انتظامیہ یا پولیس حکام کی جانب سے اس مخصوص کارروائی اور گھروں کو نذرِ آتش کیے جانے کے حوالوں سے مزید باضابطہ بیان جاری نہیں کیا گیا۔