سینٹکام کی امریکی ایف سولہ طیارے کو نقصان پہنچنے کی تردید، ایران کا دعویٰ مسترد

واشنگٹن (پاک ٹوڈے): امریکی سینٹرل کمانڈ (سینٹکام) نے ایران کے اس دعوے کی تردید کردی ہے کہ اس کے فضائی دفاعی نظام نے خلیجی علاقے میں ایک امریکی ایف سولہ جنگی طیارے کو نشانہ بنا کر نقصان پہنچایا۔

سینٹکام نے سوشل میڈیا پر جاری بیان میں کہا کہ ایران نے جمعے کے روز کسی امریکی ایف سولہ طیارے پر حملہ نہیں کیا۔ امریکی فوج کے مطابق مشرقِ وسطیٰ میں تعینات تمام امریکی جنگی طیارے محفوظ اور مکمل طور پر فعال ہیں۔

اس سے قبل ایرانی فوج نے دعویٰ کیا تھا کہ جمعے کی شام اس کے فضائی دفاعی نظام نے ایک امریکی ایف سولہ طیارے کی جانب میزائل داغا، جس سے طیارے کو نقصان پہنچا اور اسے ہنگامی لینڈنگ کرنا پڑی۔

تاہم امریکی فوج نے ایرانی دعوے کو مسترد کرتے ہوئے واضح کیا کہ خطے میں موجود کسی امریکی جنگی طیارے کو نقصان نہیں پہنچا اور تمام فضائی اثاثے معمول کے مطابق کام کر رہے ہیں۔

ایران اور امریکا کے متضاد بیانات کے باعث امریکی ایف سولہ طیارے کو نقصان پہنچنے کے دعوے کی آزاد ذرائع سے تصدیق نہیں ہوسکی۔

Related posts

نوشہرہ میں دو گروپوں کے درمیان مسلح تصادم، فائرنگ سے تین افراد ہلاک، دو راہگیر زخمی

جے یو آئی سندھ کا کراچی میں احتجاج، مولانا فضل الرحمٰن کے خلاف مہم بند کرنے کا مطالبہ

اسلام آباد پاسپورٹ آفس سے 138 پاسپورٹ بکلیٹس چوری ہونے کا انکشاف، 131 برآمد