لاہور (پاک ٹوڈے): سری لنکا نے پاکستان کو شکست دے کر ٹرائی سیریز کے فائنل کے لیے کوالیفائی کر لیا، جہاں ہفتے کو اس کا مقابلہ ایک بار پھر پاکستان سے ہوگا۔
قذافی اسٹیڈیم لاہور میں کھیلے گئے میچ میں سری لنکا نے ٹاس جیت کر پہلے بولنگ کا فیصلہ کیا اور پاکستانی ٹیم کو 110 رنز پر آؤٹ کر دیا۔ جواب میں سری لنکا نے 111 رنز کا ہدف 2 وکٹوں کے نقصان پر حاصل کر لیا۔
اس کامیابی کے ساتھ سری لنکا نے فائنل میں جگہ پکی کر لی۔ پاکستان اس سے پہلے ناقابل شکست رہتے ہوئے فائنل کے لیے کوالیفائی کر چکا ہے، جبکہ انگلینڈ ایونٹ سے باہر ہوگیا۔
ٹرائی سیریز کا فائنل ہفتے، 31 اکتوبر کو قذافی اسٹیڈیم لاہور میں پاکستان اور سری لنکا کے درمیان کھیلا جائے گا۔