روسی صدر پوتین کی یوکرینی بنیادی ڈھانچے پر شدید جوابی بمباری کی دھمکی

ماسکو (پاک ٹوڈے): روسی صدر ولادیمیر پوتین نے خبردار کیا ہے کہ یوکرین نے روس کی اقتصادی تنصیبات پر حملے کر کے اپنے لیے تباہی کا راستہ چن لیا ہے اور روس اس کا انتہائی شدید اور تباہ کن جوابی حملہ کر رہا ہے۔

روس کے اخبار ‘وستی’ اور سرکاری ٹیلی ویژن کو دیے گئے انٹرویو میں صدر پوتین نے کہا کہ یوکرین کی جانب سے روسی آئل ریفائنریوں اور لاجسٹکس مراکز کو ڈرون سے نشانہ بنانے کے بعد ماسکو نے کییف اور دیگر شہروں کی اقتصادی و دفاعی تنصیبات پر انتہائی کاری ضرب لگائی ہے۔ پوتین کا کہنا تھا کہ "کییف حکومت نے ہماری معیشت کو نقصان پہنچانے کی کوشش کی، مگر نتیجہ یہ نکلا کہ اس نے اپنے لیے جہنم کے دروازے کھول لیے ہیں۔”

روسی صدر نے مزید کہا کہ ماسکو کی جوابی کارروائیوں سے فرنٹ لائن پر جنگی مقاصد کا حصول آسان ہوا ہے اور یوکرین کی ہتھیار سازی اور سپلائی لائنز مفلوج ہو چکی ہیں۔ انہوں نے اس عزم کا بھی اعادہ کیا کہ یوکرینی اناج کی برآمدات کو نشانہ بنانے کے باوجود روس عالمی منڈی میں خوراک کی ترسیل کو متاثر نہیں ہونے دے گا۔

Related posts

ایران نے میناب اسکول پر حملے اور آیت اللہ خامنہ ای کے قتل پر امریکی و یورپی عدالتوں میں مقدمات دائر کر دیے

ایرانی صدر کے دفتر میں بجلی اور ہیٹنگ سسٹم بند، مسعود پزشکیان سرد کمرے میں کام کرنے پر مجبور

امریکی بحری ناکہ بندی توڑنے کے لیے ایرانی آئل ٹینکر روانہ ہونے کا دعویٰ، سیٹلائٹ تصاویر میں کوئی ثبوت نہ ملا