پشاور (پاک ٹوڈے): خیبر پختونخوا کی مشیر صحت لیفٹیننٹ جنرل (ر) نگار جوہر نے دیر کالونی اسکول سانحے کے بعد لیڈی ریڈنگ ہسپتال پشاور کا دورہ کیا، جہاں انہوں نے واقعے میں زخمی ہونے والے افراد کی عیادت کی۔
ہسپتال ذرائع کے مطابق مشیر صحت نے زخمیوں کو فراہم کی جانے والی طبی سہولیات کا جائزہ لیا اور ہسپتال انتظامیہ کو ہدایت کی کہ تمام زخمیوں کے علاج معالجے میں کوئی کسر نہ چھوڑی جائے اور انہیں بہترین طبی امداد کی فراہمی یقینی بنائی جائے۔