ثنعاء (پاک ٹوڈے): یمن کے حوثی عسکریت پسندوں نے دعویٰ کیا ہے کہ انہوں نے سعودی عرب کے سرحدی علاقے نجران میں قائم ‘سعودی آرامکو’ کی ایک اہم تنصیب پر ڈرون حملہ کیا ہے۔
حوثی ذرائع ابلاغ کے مطابق یہ کارروائی شمالی یمن کے صوبے صعدہ کی فضائی حدود میں سعودی جیٹ طیاروں کی مبینہ آمد اور سرحدی خلاف ورزی کے جواب میں کی گئی ہے۔ عسکری حکام کا کہنا ہے کہ ڈرون حملے نے نجران میں طے شدہ ہدف کو کامیابی سے نشانہ بنایا۔
دوسری جانب، سعودی حکام یا آرامکو انتظامیہ کی جانب سے نجران میں کسی تنصیب کو نقصان پہنچنے یا ایسے کسی واقعے کی سرکاری طور پر تصدیق یا تردید سامنے نہیں آئی ہے۔