ڈارون (پاک ٹوڈے): بنگلہ دیش نے ڈارون میں کھیلے گئے پہلے ٹیسٹ میچ میں نمبر ون عالمی ٹیم آسٹریلیا کو 9 وکٹوں سے شکست دے کر پہلی بار آسٹریلوی سرزمیں پر تاریخی کامیابی حاصل کر لی ہے۔
دنیا کی نویں نمبر کی ٹیم نے شاندار کھیل کا مظاہرہ کرتے ہوئے 57 رنز کا مطلوبہ ہدف محض ایک وکٹ کے نقصان پر حاصل کر لیا۔ دوسری اننگز میں بنگلہ دیش کے شادمان اسلام 25 اور مومن الحق 30 رنز بنا کر ناٹ آؤٹ رہے۔
قبل ازیں، پہلی اننگز میں آسٹریلیا نے 198 رنز بنائے تھے جس کے جواب میں بنگلہ دیش نے 426 رنز کا پہاڑ جیسا مجموعہ کھڑا کر کے 228 رنز کی اہم برتری حاصل کی۔ آسٹریلیا کی ٹیم دوسری اننگز میں 284 رنز بنا کر آؤٹ ہو گئی اور بنگال ٹائیگرز کو جیت کے لیے صرف 57 رنز کا ہدف ملا جو انہوں نے آسانی سے پورا کر لیا۔