راولپنڈی (پاک ٹوڈے): اڈیالہ جیل میں قید پاکستان تحریک انصاف (پی ٹی آئی) کے بانی سے ان کی بہن نورین نیازی اور اہلیہ بشریٰ بی بی کی الگ الگ ملاقاتیں انجام پا گئی ہیں۔
جیل ذرائع کے مطابق نورین نیازی نے عمران خان سے جیل کے کانفرنس روم میں ملاقات کی، جو تقریباً 40 منٹ تک جاری رہی۔ یہ گزشتہ دو ہفتوں کے دوران ان کی دوسری ملاقات تھی۔ ملاقات کے بعد نورین نیازی بغیر میڈیا سے گفتگو کیے جیل سے روانہ ہو گئیں۔
دوسری جانب اسی روز جیل کے کانفرنس روم میں ہی بانی پی ٹی آئی اور ان کی اہلیہ بشریٰ بی بی کی بھی ملاقات کروائی گئی، جو تقریباً 35 منٹ تک جاری رہی۔