اگر یہ عمران خان کیساتھ ہو رہا ہے تو عام پاکستانی کیساتھ کیا ہوتا ہوگا؟ سہیل آفریدی

اسلام آباد (پاک ٹوڈے): وزیر اعلیٰ خیبر پختونخوا سہیل آفریدی نے عمران خان کی پمز اسپتال منتقلی کو عدالتی احکامات کی توہین قرار دیتے ہوئے شدید برہمی کا اظہار کیا ہے۔
سہیل آفریدی نے میڈیا سے گفتگو کرتے ہوئے کہا کہ اگر ملک کے سابق وزیراعظم کے ساتھ ایسا ناروا سلوک کیا جا رہا ہے تو ایک عام شہری کا کیا حال ہوگا۔ انہوں نے کہا کہ حکومت نے عدالتی حکم کو نظر انداز کر کے جو قدم اٹھایا وہ توہینِ عدالت کے زمرے میں آتا ہے اور عدالت کو اس کا فوراً نوٹس لینا چاہیے۔

یاد رہے کہ سپریم کورٹ نے بانی پی ٹی آئی کے طبی معائنے کے لیے انہیں شفا انٹرنیشنل اسپتال منتقل کرنے کا حکم دیا تھا، تاہم حکومت نے سیکیورٹی خدشات کا جواز پیش کرتے ہوئے انہیں پمز منتقل کیا اور طبی معائنے کے بعد واپس اڈیالہ جیل بھیج دیا۔

Related posts

جے یو آئی سندھ کا کراچی میں احتجاج، مولانا فضل الرحمٰن کے خلاف مہم بند کرنے کا مطالبہ

اسلام آباد پاسپورٹ آفس سے 138 پاسپورٹ بکلیٹس چوری ہونے کا انکشاف، 131 برآمد

ایشیا کپ میں پاکستان اے نے بھارت اے کو 314 رنز کا ہدف دے دیا، پوری ٹیم 313 رنز پر آؤٹ