انگلینڈ نے پاکستان کو اننگز اور 103 رنز سے شکست دے دی

لیڈز (پاک ٹوڈے): ہیڈنگلے کے میدان پر کھیلے گئے پہلے ٹیسٹ میچ میں انگلینڈ نے پاکستان کو ایک اننگز اور 103 رنز کے بڑے مارجن سے شکست دے کر تین میچوں کی سیریز میں 0-1 کی برتری حاصل کر لی ہے۔

پاکستان کی پوری ٹیم دوسری اننگز میں انگلش فاسٹ بولرز کے سامنے ریت کی دیوار ثابت ہوئی اور صرف 135 رنز بنا کر پویلین لوٹ گئی۔ قومی ٹیم کی جانب سے وکٹ کیپر بیٹر محمد رضوان 41 اور شان مسعود 29 رنز کے ساتھ نمایاں رہے۔ انگلینڈ کی جانب سے اولی رابنسن، جوش ٹنگ اور جوفرا آرچر نے 3،3 وکٹیں حاصل کر کے پاکستان کی بیٹنگ لائن کو تحس نحس کر دیا۔

اس سے قبل پاکستان نے اپنی پہلی اننگز میں 171 رنز بنائے تھے جس کے جواب میں انگلینڈ نے 409 رنز کا پہاڑ جیسا ہدف کھڑا کر کے 238 رنز کی برتری حاصل کی تھی۔ پاکستان کی جانب سے ڈیبیو کرنے والے اسپنر علی عثمان کی 5 وکٹیں بھی ٹیم کو شکست سے نہ بچا سکیں۔ میچ کے بعد قائدانہ ذمہ داری سنبھالنے والے سلمان علی آغا نے اعتراف کیا کہ ٹیم بیٹنگ اور بولنگ دونوں شعبوں میں توقعات پر پورا نہیں اتر سکی۔

Related posts

ایشیا کپ میں پاکستان اے نے بھارت اے کو 314 رنز کا ہدف دے دیا، پوری ٹیم 313 رنز پر آؤٹ

14 سالہ پاکستانی نوجوان نے 141 کلومیٹر فی گھنٹہ کی رفتار سے گیند کرا کے سب کو حیران کر دیا

پاکستان ویمنز کی عمدہ اسپن بولنگ، اسکاٹ لینڈ 124 رنز تک محدود