23
کابل (پاک ٹوڈے): افغانستان کرکٹ بورڈ کی سلیکشن کمیٹی نے بھارت کے خلاف کھیلی جانے والی باہمی ٹی ٹوئنٹی اور ون ڈے سیریز کے لیے ابراہیم زدران کی قیادت میں 15 رکنی قومی اسکواڈ کا اعلان کر دیا ہے، جس میں فاسٹ بولر نوین الحق کی بھی واپسی ہوئی ہے۔
افغانستان کرکٹ بورڈ کے جاری کردہ اعلامیے کے مطابق، 15 رکنی ٹیم میں رحمان اللہ گرباز، صدیق اللہ اتل، درویش رسولی، عظمت اللہ عمرزئی، گلبدین نائب، نور رحمن، محمد نبی، راشد خان، ننگیال خروٹی، مجیب الرحمٰن، نور احمد، فضل الحق فاروقی، نوین الحق اور عبداللہ احمد زئی شامل ہیں۔ اس کے علاوہ شاہد اللہ کمال، فرید احمد ملک اور اعجاز احمد زئی کو ریزرو پلیئرز کے طور پر رکھا گیا ہے۔
افغانستان اور بھارت کے درمیان یہ سیریز 13 ستمبر سے شروع ہوگی جو 17 ستمبر تک جاری رہے گی۔
