امریکی سیکرٹری آف دی آرمی ڈان ڈرسکول کا اپنے عہدے سے استعفا، تنازع کی خبریں گرم

واشنگٹن (پاک ٹوڈے): امریکی آرمی کے سیکرٹری ڈان ڈرسکول (Don Driscoll) نے پیر کے روز اپنے عہدے سے استعفیٰ دے دیا ہے، جس کی تصدیق امریکی خبر رساں ادارے ایسوسی ایٹڈ پریس (AP) نے کی ہے۔

ڈان ڈرسکول کی جانب سے اچانک دیے گئے اس استعفے کی باضابطہ اور تفصیلی وجوہات تاحال سامنے نہیں آ سکی ہیں اور نہ ہی اس پر پینٹاگون کی جانب سے کوئی سرکاری اعلامیہ جاری کیا گیا ہے۔

تاہم، بین الاقوامی ذرائع ابلاغ کی رپورٹس میں دعویٰ کیا جا رہا ہے کہ مستعفی سیکرٹری آرمی اور امریکی وزیر دفاع پیٹ ہیوز کے مابین دفاعی امور اور پالیسیوں پر شدید اختلافات پیدا ہو گئے تھے، جو اس مفارقت کا بنیادی سبب بنے ہیں۔ اس اہم دفاعی استعفے کے بعد امریکی عسکری و دفاعی حلقوں میں مختلف قیاس آرائیاں کی جا رہی ہیں۔