11
واشنگٹن (پاک ٹوڈے): امریکی محکمہ خارجہ نے ایران کی جوہری تنصیبات، آلات اور اس پروگرام سے وابستہ افراد کے بارے میں مستند معلومات فراہم کرنے پر 2 کروڑ ڈالر تک انعام دینے کا اعلان کیا ہے۔
محکمہ خارجہ کے ’’ریوارڈز فار جسٹس‘‘ پروگرام کے مطابق ایران کی جوہری سرگرمیوں، متعلقہ آلات اور سائنسدانوں کے بارے میں قابلِ اعتماد معلومات فراہم کرنے والے افراد نقد انعام کے اہل ہو سکتے ہیں۔
پروگرام کے تحت معلومات فراہم کرنے والوں کو انعام کے علاوہ محفوظ مقام پر منتقل کرنے کی سہولت بھی دی جا سکتی ہے۔
یہ اعلان ایسے وقت میں سامنے آیا ہے جب ایران کے جوہری پروگرام پر تہران اور واشنگٹن کے درمیان اختلافات بدستور برقرار ہیں۔
