کابل (پاک ٹوڈے): افغانستان کے شمالی سالنگ میں 580 قسم کی گاڑی اور تیل بردار ٹینکر کے درمیان تصادم کے نتیجے میں 5 افراد جاں بحق اور 16 زخمی ہوگئے۔
مقامی حکام کے مطابق حادثہ گزشتہ رات تقریباً 2 بجے پیش آیا، جب شمال سے جنوب کی جانب آنے والی 580 قسم کی گاڑی سرنگ کے قریب داخلی راستے پر تیل بردار ٹینکر سے ٹکرا گئی۔
حکام کا کہنا ہے کہ جاں بحق ہونے والوں میں ایک کا تعلق پروان، تین کا کابل اور ایک کا بغلان کے ضلع دہ صلاح سے تھا۔
مقامی حکام کے مطابق زخمیوں میں سے بعض کی حالت تشویشناک بتائی جا رہی ہے۔