آواران(پاک ٹوڈے): بلوچستان سے تعلق رکھنے والے 14 سالہ ہونہار طالبعلم زیب مصطفیٰ بلوچ نے تھائی لینڈ میں منعقدہ عالمی مقابلہ ورلڈ اسکالرز کپ میں 2200 طلباء کے درمیان شاندار کارکردگی کا مظاہرہ کرتے ہوئے 5 میڈلز اپنے نام کر لیے۔
اس شاندار کامیابی کے بعد وہ دنیا کے ٹاپ 100 طلباء میں شامل ہو کر امریکہ کی عالمی شہرت یافتہ Yale University کے فائنل راؤنڈ کے لیے کوالیفائی کر چکے ہیں۔
مشکے جیسے پسماندہ علاقے سے عالمی سطح تک پہنچنے والے اس ہونہار نوجوان کی کامیابی بلوچستان اور پورے پاکستان کے لیے باعث فخر ہے۔