نیکولا بیلومو نے افغانستان میں یورپی یونین کے نئے ناظم الامور کی ذمہ داریاں سنبھال لیں

کابل (پاک ٹوڈے): اطالوی سفارت کار نیکولا بیلومو نے افغانستان میں یورپی یونین کے نئے ناظم الامور کی حیثیت سے اپنی ذمہ داریاں سنبھالنے کا اعلان کیا ہے۔

نیکولا بیلومو نے اپنی ایکس پوسٹ میں امید ظاہر کی کہ وہ افغانستان میں اپنے نئے سفارتی مشن کو مؤثر انداز میں انجام دیں گے۔

بیلومو اس سے قبل یورپی یونین کے افریقا ڈویژن کے سربراہ اور روانڈا میں یورپی یونین کے سفیر کے طور پر بھی خدمات انجام دے چکے ہیں۔