7
مظفرگڑھ (پاک ٹوڈے): پنجاب کے ضلع مظفرگڑھ کی تحصیل علی پور میں ایک شخص کی ہلاکت کے واقعے میں پولیس نے اس کی اہلیہ کو شک کی بنیاد پر حراست میں لے لیا ہے۔
پولیس کے مطابق واقعے کی مختلف پہلوؤں سے تحقیقات جاری ہیں، جبکہ مقتول کے لواحقین نے الزام عائد کیا ہے کہ خاتون نے اپنے شوہر کو کوئی زہریلی چیز پلائی، جس کے نتیجے میں اس کی موت واقع ہوئی۔
اہلخانہ نے یہ الزام بھی لگایا ہے کہ خاتون نے اپنی ساس کو مبینہ طور پر تشدد کا نشانہ بنایا۔ پولیس کا کہنا ہے کہ خاتون اس وقت زیرِ حراست ہے اور واقعے کی اصل وجوہات جاننے کے لیے تفتیش کی جا رہی ہے۔
پولیس حکام کے مطابق پوسٹ مارٹم رپورٹ سامنے آنے کے بعد ہلاکت کی وجوہات سے متعلق مزید حقائق واضح ہو سکیں گے۔
