15
پشاور (پاک ٹوڈے): پاکستان تحریک انصاف کی جانب سے 27 ستمبر کو اسلام آباد مارچ کے اعلان کے بعد خیبرپختونخوا سے اسلام آباد جانے والے راستوں پر رکاوٹیں کھڑی کرنے کا سلسلہ شروع کردیا گیا ہے۔
ذرائع کے مطابق اٹک پل کو کنٹینرز لگا کر مکمل طور پر بند کردیا گیا ہے، جس کے باعث پل پر ٹریفک کی روانی معطل ہوگئی ہے۔
ویڈیو میں اٹک پل پر کنٹینرز کے ذریعے راستہ بند کیا گیا ہے، جبکہ خیبرپختونخوا سے اسلام آباد جانے والے دیگر راستوں پر بھی کنٹینرز اور مختلف رکاوٹیں لگائی جا رہی ہیں۔
ذرائع کے مطابق ان اقدامات کا مقصد پی ٹی آئی کے ممکنہ قافلوں کو اسلام آباد میں داخل ہونے سے روکنا ہے۔ راستوں کی بندش کے باعث شہریوں کو آمدورفت میں مشکلات کا سامنا ہے۔
