14
اسلام آباد (پاک ٹوڈے): وفاقی حکومت نے امن و امان کی صورتحال برقرار رکھنے کے لیے ضلع راولپنڈی میں 6 ماہ کی مدت کے لیے پاک فوج کی تعیناتی کی منظوری دے دی ہے۔
وزارتِ داخلہ کی جانب سے جاری کردہ نوٹیفکیشن کے مطابق یہ منظوری محکمہ داخلہ پنجاب کی سفارش پر آئینِ پاکستان کے آرٹیکل 245 کے تحت دی گئی ہے۔ فیصلے کے تحت افواجِ پاکستان کی 3 کمپنیاں 6 ماہ کے لیے راولپنڈی میں مامور رہیں گی۔
اعلامیے میں واضح کیا گیا ہے کہ فوج ضلعی انتظامیہ کے ساتھ مکمل تعاون کے تحت امن و امان کی فضا قائم رکھنے، حساس مقامات کی حفاظت اور اہم شاہراہوں پر سیکیورٹی کے سخت انتظام کو یقینی بنانے میں اپنی خدمات سرانجام دے گی۔
