افغانستان نے افغان ایران سرحد پر ناقص سامان کے 29 ٹرک واپس بھیج دیے

ہرات (پاک ٹوڈے): افغانستان کی جانب سے ایران کے ساتھ سرحد پر واقع اسلام کلا گمرک سے ناقص معیار کی پیٹرولیم مصنوعات اور دیگر اشیا سے لدے 29 ٹرک واپس برآمد کنندگان کے ممالک بھیج دیے گئے ہیں۔

ہرات کے صوبائی حکام کے مطابق واپس بھیجے گئے ٹرکوں میں پٹرول کے 8، ڈیزل کے 17، چینی کا ایک، بسکٹ کے 2 اور کاشیو کا ایک ٹرک شامل ہے۔

حکام کا کہنا ہے کہ معائنے کے دوران ان کھیپوں میں موجود اشیا معیار کے مقررہ تقاضوں پر پوری نہیں اتریں، جس کے باعث انہیں افغانستان میں داخلے کی اجازت نہیں دی گئی اور واپس بھیج دیا گیا۔

صوبائی حکام کے مطابق اس اقدام کا مقصد ناقص معیار کی اشیا کی درآمد روکنا، صارفین کے حقوق کا تحفظ کرنا اور درآمدی سامان کے لیے مقررہ معیار پر عمل درآمد یقینی بنانا ہے۔