کوہاٹ میں پولیس چوکی پر مسلح افراد کا حملہ، 4 اہلکار زخمی

کوہاٹ (پاک ٹوڈے): شہر کے مضافاتی علاقے شادی پور میں مسلح افراد نے پولیس چوکی پر حملہ کیا، جس کے نتیجے میں 4 پولیس اہلکار زخمی ہوگئے۔

پولیس کے مطابق حملے کے بعد اہلکاروں اور حملہ آوروں کے درمیان دوطرفہ فائرنگ کا تبادلہ ہوا۔ واقعے کے بعد اضافی پولیس نفری اور فوجی دستے علاقے میں پہنچ گئے اور علاقے کو گھیرے میں لے لیا گیا۔

پولیس کا کہنا ہے کہ حملہ آوروں کی ہلاکت یا زخمی ہونے سے متعلق تاحال کوئی معلومات سامنے نہیں آئیں، جبکہ کسی گروہ نے بھی حملے کی ذمہ داری قبول نہیں کی۔

Related posts

ایشیا کپ میں پاکستان اے نے بھارت اے کو 314 رنز کا ہدف دے دیا، پوری ٹیم 313 رنز پر آؤٹ

تھر اور عمرکوٹ کے خشک سالی متاثرین کے لیے 5 ارب 30 کروڑ روپے کے امدادی پیکیج کی منظوری

چھوٹے صوبوں کے قیام سے ملک کمزور نہیں ہوگا، تحریک انصاف نے کبھی نئے صوبوں کی مخالفت نہیں کی: شوکت یوسفزئی