ماسکو (پاک ٹوڈے): روس کے کلیننگراڈ ریجن میں Su-30SM جنگی طیارہ معمول کی تربیتی پرواز کے دوران گر کر تباہ ہو گیا، تاہم طیارے میں سوار دونوں پائلٹ بروقت ایجیکٹ کرنے میں کامیاب رہے۔
روسی وزارتِ دفاع کے مطابق طیارے کا عملہ بحفاظت باہر نکل آیا اور زمینی سرچ اینڈ ریسکیو ٹیم نے انہیں محفوظ مقام پر منتقل کیا۔ حکام کا کہنا ہے کہ دونوں پائلٹوں کی جان کو خطرہ نہیں ہے۔
روسی میڈیا رپورٹس کے مطابق طیارہ چیرنیاخوسک ضلع میں تیموفیئیوکا اور زیلیونی بور کے درمیان ایک غیر آباد علاقے میں گرا۔ رپورٹس میں بتایا گیا ہے کہ دونوں پائلٹ زخمی ہوئے اور انہیں ملٹری اسپتال منتقل کیا گیا۔
روسی وزارتِ دفاع کے مطابق پرواز کے دوران طیارے میں اسلحہ موجود نہیں تھا۔ حادثے کی وجہ تاحال باضابطہ طور پر سامنے نہیں آئی۔