کابل میں بینک ڈکیتی اور دو ملازمین کے قتل میں ملوث 3 ملزمان مارے گئے

کابل (پاک ٹوڈے): افغان دارالحکومت کابل میں پولیس کے خصوصی دستوں کے ساتھ جھڑپ کے دوران تین ملزمان مارے گئے ہیں۔ افغان وزارت داخلہ کے مطابق یہ افراد تقریباً تین ہفتے قبل افغان یونائیٹڈ بینک کی گاڑی پر حملے اور بینک کے دو ملازمین کے قتل میں ملوث تھے۔

وزارت داخلہ کے بیان کے مطابق کارروائی کابل کے 11ویں سکیورٹی زون کے علاقے 315 میں کی گئی، جہاں پولیس کے خصوصی دستوں کے ساتھ جھڑپ میں تینوں ملزمان مارے گئے۔

بیان میں کہا گیا ہے کہ مذکورہ افراد نے تقریباً تین ہفتے قبل کابل کے علاقے لیسی مریم میں افغان یونائیٹڈ بینک کی گاڑی پر حملہ کیا تھا، جس کے نتیجے میں بینک کے دو ملازمین قتل ہوئے اور ملزمان کچھ رقم لے کر فرار ہوگئے تھے۔

افغان وزارت داخلہ کے مطابق یہ گروہ صوبہ بغلان میں بھی ایک شخص کے قتل میں ملوث تھا۔

وزارت نے مزید بتایا کہ تقریباً ایک ہفتہ قبل اسی گروہ کے سات دیگر ارکان کو بھی گرفتار کرکے عدالت میں پیش کیا گیا تھا۔

Related posts

ایران نے میناب اسکول پر حملے اور آیت اللہ خامنہ ای کے قتل پر امریکی و یورپی عدالتوں میں مقدمات دائر کر دیے

اسحاق ڈار کا سعودی وزیر خارجہ سے ٹیلی فونک رابطہ، علاقائی صورتحال پر تبادلہ خیال

ایرانی صدر کے دفتر میں بجلی اور ہیٹنگ سسٹم بند، مسعود پزشکیان سرد کمرے میں کام کرنے پر مجبور