18
کابل (پاک ٹوڈے): افغانستان کے دارالحکومت کابل میں انٹرنیشنل ایئرپورٹ جانے والی مرکزی سڑک پر واقع قاضی پلازہ کی مارکیٹ میں آگ بھڑک اٹھی، جس کے باعث علاقے میں دھواں پھیل گیا اور خوف و ہراس کی فضا پیدا ہوگئی۔
آتشزدگی کی وجوہات اور ممکنہ جانی و مالی نقصان سے متعلق فوری طور پر تفصیلات سامنے نہیں آسکیں۔ واقعے کے حوالے سے طالبان حکومت اور سرکاری میڈیا کی جانب سے بھی تاحال کوئی باضابطہ وضاحت جاری نہیں کی گئی۔
