پشاور (پاک ٹوڈے): پشاور کے علاقے دیر کالونی میں اسکول کی چھت گرنے کے افسوسناک واقعے میں جاں بحق افراد کی تعداد 28 ہو گئی ہے، جبکہ 20 افراد زخمی ہیں۔
لیڈی ریڈنگ ہسپتال (ایل آر ایچ) ایم ٹی آئی پشاور کے ترجمان کے مطابق حادثے کے بعد جاں بحق اور زخمی ہونے والے افراد کو ہسپتال منتقل کیا گیا، جہاں زخمیوں کو طبی امداد فراہم کی جا رہی ہے۔
ہسپتال ترجمان کے مطابق واقعے میں اب تک 28 افراد کے جاں بحق ہونے اور 20 کے زخمی ہونے کی اطلاع ہے۔ حکام کا کہنا ہے کہ ریسکیو آپریشن مکمل ہونے کے بعد جانی نقصان کے حتمی اعداد و شمار جاری کیے جائیں گے۔